عشان نقدر نعيش في الدنيا دي .. ونتخطي الايام والمواقف الصعبة اللي بتحصلنا وبنقابلها كل يوم في حياتنا لازم نتعلم البرود .. لازم نتعلم اللامبالاة … نتعلم نسيطر علي اعصابنا وغضبنا ..
مش كل حاجه تستاهل نحرق في دمنا واعصابنا عشانها ..
مش اي حد يستاهل اننا نزعل نفسنا عشانه ..
احنا اكتر ناس بنتدمر من الزعل والغضب .. احنا اللي بنتعب ومحدش بيحس بينا ..
احنا اللي بنهلك روحنا ونستهلك قوتنا وطاقتنا .. وهنفضل كدة لغاية مايجي علينا وقت ونقع .. وقتها محدش هيسندنا .. ولا حد هينفعنا .. النار اللي بتكون جوانا دي بتحرقنا احنا مابتحرقش غيرنا ..
نحاول علي قد مانقدر مش كل حاجه ناخدها علي اعصابنا .. مش كل موقف يحصل نشيله في نفسنا ..
والله كدة هـ يجيلنا المرض .. او ممكن ننام مانصحاش تاني وكل دة بقي فعلا بيحصل لناس كتير وساعتها ولا هينفعنا ..
كام حد بقي عنده الضغط والسكر وهو لسة في عز شبابه !!
كام حد بقي لما بيزعل بيحس بضيق تنفس وكأن في حد خانقه ومانع عنه الهوا !!
كام حد لما بيزعل بيحس بوجع شديد في قلبه وكأن سكينة اتغرزت فيه … حجات كتير اوي بقت بتحصل لينا من شدة مابنزعل والحزن بيتملك مننا ..
فـ ياريت رفقاً بأنفسنا شوية .. ياريت نرحم روحنا .. لان للاسف محدش هيرحمنا
