ميلاد شريكة لا شهيدة كتبت /اميره الفره احلامك اوامر احلم وانا انفذ وحتي قبل ما تفكر حتي قبل ما تتولد للحياة انا حلمتلك بيت فخم مدرسة انجليزي بنطلون باجي وقميص وشميز والأكل برجر ولانشون ونادي ولعبة وفسحة ومصيف وطلبات من هنا ومن هناك وووووووووو وانا هفضل منتظرة ضحكة وكلمة رضا وياريت لو كلمة حلوة هانسي نفسي واحلامي طلباتي خلاص مفيش طموحي ملهوش لزوم شياكتي واناقتي لأية ما المهم البيه راحت عليا اتجوزت و بأه عندي بنتين وولدين لازم انسي اني بلعب كمان واني كنت رياضية زمان المهم انت تمام طب استني غلط الكلام وانت كمان استني قبل ما تقعي بص يا ابني وانت يا بنتي وانت يا ابن صديقتي ركز في الكلام انا جسر وايد وقلب وعقل يساندك يحميك يشاركك ويهون عليك لكن مش انت تعيش وانا اموت عيش وعيشني حياتك واحلامك وانا هشاركك وتشاركني مش مقبول تبص لغيرك بص في ايديك وده حلك بابا مش الشاطر حسن ولا علاء الدين بس الذنب مش ذنبك انا اللي نسيت نفسي واحلامي ونسيت حقي اني اعيش من النهار دة هانعيش سوي نشترك في الفرح وفي الهم مش هعيشك في برج عالي وتفكر أن مفيش لأ انا الوقتي بقولك لأ عشانك مش عشاني لوحدي تعالي نعدل الكاس (اولادنا ليسوا احلامنا البديلة دورك تبني انسان قادر يواجه الحياة).
