بقلم / أحمد الغنامي
رسالة لكل بنت …….. حافظي على نفسك وخليكي وردة جوه بوكيه ورد غالي تزين المكان ….. مش وردة في ايد تتشم ريحتها ولما تدبل تنداس….
انتي وردة وجوهرة مصونة عشان كده اوعي ترخصي نفسك مهما كان السبب…..
ايوة اوعي ترخصي نفسك!!!!!!!
دخلتي في علاقة بإسم الحب والمشاعر…… طب ما تيجي نراعيها صح زي الوردة في جنينه عشان تفضلي متمتعة بجمالها وريحتها الحلوة….
ازاي الكلام ده؟؟؟؟؟
اقفلي باب الحرام في وش اللي بتحبيه
لو قالك اديني رقمك نتكلم مع بعض شوية جربي
و قوليلوا لا وشوفي رد فعله هيبقي ازاي؟؟؟
ولا عاجبك شكلك وانتي بتتكلمي مع شاب بعد نص الليل من تحت البطاطين زي الحرامية
يبقى اكيد ده غلط…..
هيقولك طب ما تيجي نخرج مع بعض عشان نتعرف اكتر على بعض وبعد كده أطلبك من أهلك..
قولي له لا وألف لا……انا مش للتجربة !
طب ندردش شوية على الشات وابعتيلي صورتك اشوفك…..
قولي لا ومليون لا…. عشان اللي بيجي سهل بيفقد متعته…..
مترخصيش نفسك … واللي يحبك في الحلال هيخبط على باب بيتكم … ويأخذ كل ده أدام الدنيا كلها …..
خدي بالك كل حاجة هتتطلب منك باسم الحب وهو منها برئ.
اوعى تصدقي كل ده كدب….
اللي حبك صح هيخاف عليكي ومش هيرضالك بأي حاجة من دي وهتكبري في نظره اكتر.
ومتنسيش الحاجة الصعبة ليها حلاوتها……. وكمان العلاقة مش هيصيبها الملل……
وكمان خلي أدامك سمعتك متسمحيش لحد يمسها
وأب متوطيش رأســه …… وأم متأذيش قلبها.
حافظي على قلبك وكرامتك في مكان عالي للي يستاهلهم منك…
مش مكان واطي زي جرس الباب اللي أدام ايد اي حد و نفتكر ان في عيال بترن الجرس وتجري……
طب نسيتي كل ده عشان مشاعرك وقلبك حب واتعلق بحد لسه في فرصة….. ابدائي يلا واعملي وقفة مع نفسك وافتكري كرامتك َوحطي نفسك في مقارنة قبل و بعد دخولك في العلاقة دي….
والبنى آدم من غير كرامة هيعيش ع طول عينة مكسورة و في الارض….
دوسي على قلبك ومشاعرك واحمدي ربنا انه أكرمنا
بنعمة النسيان وبننسي ناس ماتت مش هننسي ناس باعت وفوقي لنفسك….
يمكن ناس كتير ميعجبهاش الكلام ويقولوا أن تفكيري رجعي ومتخلف شوية بس دة اللي اتربيت واتعودت علية ويشرفني ان مشاعر الناس مش لعبة علشان نتسلي بيها……
واخيرا افتكري دايما ان مفيش خير في حب خفي لأنه خطيئة و عــار….أنتي غالية وجوهرة مصونة و أسمى من أن تكوني “تسلية ” لحد فحافظي على نفسك !.
