عايز تعرف تتواصل وتحسن علاقتك مع زمايلك وأصدقائك ومعارفك وكل اللى بتتعامل معاهم !!!!

بقلم / شهد مصطفي نورالدين

عارف انك لو عرفت تحافظ على قلبك سليم هتحسن علاقتك بكل اللى حواليك وعلشان توصل لسلامة القلب لازم تجاهد نفسك وتدربها و تروضها كمان علشان ميفضلش فى نفسك ذرة حقد او غل او حسد !ازاى نوصل لسلامة القلب و حنشتغل مع بعض على ٣ محاور1.. سلامة القلب من النفاق.النفاق من أسوء الصفات لان المنافق بيظهر شىء و يخفى داخله عكسه تماما و بيخدع الناس بحقيقة عكس اللى فى قلبه.2.. سلامة القلب من الامراض زى الغل و الحسد و الكراهية و الانانية .اى قلب اتملى بامراض القلوب دى و غيرها لا يمكن يكون قلب سعيد و من اسرع الطرق للتغلب على كل الامراض دى هو مقابلة الاساءة بالاحسان و الصبر و العفو و عدم التدخل فى امور غيرك و الرضا باللى ربنا كتبهولك .3. هو سلامة القلب من الشهوات و حب الدنيا.شهوة الشىء يعنى حبه و الرغبة فيه يعنى حب المال شهوة ، حب النساء شهوة …..الشهوة مفيش منها خطر طول ماهى فى حدود المسموح و تبقى خطر لو خرجت عن السيطرة و عن اطار الاخلاق .جرب كدة تصلح جواك اى خلل فى التلت محاور اللى اتكلمنا فيهم و اشتغل على نفسك بصدق و جاهدها و انتصر عليها حتلاقى نفسك متصالح مع كل اللى حواليك و عارف تتعامل معاهم بقلب نقى و كله رضا حتلاقى نفسك سعيد و مطمن حتلاقى نفسك بتراجع نفسك الف مرة قبل ما تعمل اى حاجة تزعل بيها حد منك حتلاقى نفسك بتجبر بخاطر كل اللى حواليك من غير ما تنتظر مقابل و حتضع نفسك مكان الاخرين توجد لهم الف مبرر و عذر عن اخطاء مكنش ممكن تتقبلها قبل كدة.يعنى باختصار لو صلحت قلبك من جوا حتلاقى علاقتك باللى حواليك اتحسنت و حتكون بكدة اخدت اول خطوة فى طريق السعادة …وزى ما اتفقنا السعادة قرار …. لا تنسى ان تتخذه كل يوم.