قصيدة للشاعر / أبو حجاج
بصاحب نفسي ف وقت ما تبقى الدنيا فراغ🧏…
و باخد نَفسي واقول بلا ناس بلا قلب دماغ💆….
و بشد الكرسي واحطه ف اي مكان على كيفي🧑🦼…
و اعزم على روحي واقول والله لتقعد ضيفي🙋…
واضحك ليه واقولي اتفضل تشرب ايه☕….
وبقولي يا باشا.. و اقولي يا افندي.. واقولي يا بيه🤷…
يعني القعده ف وسط الناس نفعتنا بايه؟؟🙅….
غيرشي الوش و وجع القلب وحرق الدم🤷….
فك دماغك جايلك ايه م الناس و الهم💁….
ما تعبنا مناهده تعبنا جدال🙆..
واخرها معانده ولعب عيال👬…
وادي الاحوال هيه الأحوال🕵️….
واسأل نفسي ألف سؤال؟..يعني انت هتبقى من الابطال؟🏇..
يعني لو الدنيا دي غير الدنيا.. كنت هتنجح؟؟🧑⚖️…
فكرك لما هتكتب شعر و لما تلقح…
أحوال الناس راح تتصلح🧑🔧…
لما هتعمل بين العميان حد مفتح..ابواب الدنيا هتتفتح🤵…
حضن الدنيا ان ضمك ضمه
يبقى هتدفع🧑💻…
وأنت لا تقدر تدفع شئ ولا قد دورتها👼….
ولا عندك طاقة تساير بخطاك خطوتها🏃…
ولا جَوك ده و لاانتٰش لعيب🏋️…
ولا ليك محسوب ضمن المحاسيب👮…
اللي بيلعب مولود لعيب🦸…
اللي بيلعب بيكون اصلا مالهوش فى الخوف🥷…
اللي بيلعب ضاري بيلعب ع المكشوف🕺..
طول عمرك بين كراكيب افكار مرمي محدوف🧑🏫…
طول عمرك ع الهايف ملهوف🧗…
ان جيت تلعب ترجع مكسوف☺️..
لا يقولو بتاع الشعر الخاين…
فاكر نفسك اصلا حاجه🕴️….
ده انت بحالك بين الناس اصلا مش باين🙇…
الدنيا دى ليها صحابها يا صاحبي وليها زباين🧑🌾….
فوق م الوهم..وبطل تعمل حر وشهم👳…
و يلا فارقني..واصحا يا عم😴…
حتى القَعده كمان ويايا طلعت غم 😥😥
Abo Haggag