فطائر الجبنة بعجينة اقتصادية هشة ولذيذة مطبخ الشيف اسامه حواله

…. المقادير (لحوالي 20 فطيرة متوسطة):
• نصف كيلو من الطحين
• كوب من الحليب الدافئ
• ربع كوب من الزيت
• نصف كوب من الماء الدافئ
• 2 ملاعق كبيرة من السكر
• ملعقة كبيرة من الخميرة الفورية
• ملعقة كبيرة من الخل الأبيض

للحشوة (حسب الرغبة):
أنا استخدمت جبنة بيضا قليلة الملح مفتتة، ممكن تستخدمي أي نوع جبنة تحبيه (شيدر – موزاريلا – فيتا – كيري – أو خليط منهم)
تقدري تضيفي رشة زعتر أو حبة البركة للحشوة حسب ذوقك.

⸻
الطريقة:
1. في بولة كبيرة، ضيفي:
الحليب + الماء + السكر + الخميرة + الخل، وقلبيهم كويس.
غطيهم واتركيهم 10 دقايق لحد ما الخميرة تتفاعل وتعمل رغوة.
2. بعدين ضيفي الزيت، وابدأي دخلي الدقيق تدريجيًا مع رشة صغيرة من الملح، واعجني كويس لحد ما تبقى العجينة طرية ومطاطية ومش بتلزق.
3. غطي العجينة وسيبيها ترتاح في مكان دافئ ساعة أو لحد ما يتضاعف حجمها.
4. قطّعي العجينة كور متوسطة، وافرديها دوائر. حطي شوية جبنة في النص، واغلقيها على شكل نصف دائرة أو قارب، واضغطي كويس على الأطراف.
5. رصيها في صينية مدهونة أو على ورق خبز، وغطيها ترتاح 15 دقيقة كمان.
6. ادهني وشها بصفار بيضة + نقطة خل + رشة حليب، ورشي على الوش سمسم أو حبة البركة لو بتحبي.
7. دخليها فرن ساخن على درجة 180-200° من تحت، ولما تستوي حمّري الوش