خدوا بالكم من( تيك توك) نصائح للأهل والأبناء بقلم: أسماء خليل أبو موسي

انباء الشرق الاوسط الدولية

شهدت الفترة الأخيرة انتشار واسع لموقع تيك توك وسط الأطفال والشباب، وأصبحوا يقضون عليه ساعات طويلة بدون متابعة حقيقية من الأهل. وبرغم أن المنصة تقدم مقاطع مسلية ومختلفة أحيانًا، إلا أنها تحمل مخاطر كثيرة أبرزها ظهور محتوى غير مناسب لعمر الأطفال، وانتشار تحديات غريبة قد تعرض حياتهم للخطر أو تشجعهم على تقليد سلوكيات خاطئة.

كمان بدأنا نشوف حالات من التنمر الإلكتروني والمقارنات السلبية بين الأولاد وبعضهم، مع إحساس البعض بعدم الرضا عن النفس بسبب التأثر بما يرونه على المنصة.

فوق ده كله، فيه مشاكل تتعلق بالخصوصية وجمع البيانات، وأحيانًا تعرض الأطفال لرسائل أو علاقات مشبوهة من أشخاص لا يعرفونهم. مشاكل نفسية زي القلق والإدمان بدأت تظهر على شريحة مش قليلة من أبنائنا، وكل ده بسبب قضاء ساعات طويلة على تيك توك دون مراقبة أو وعي كافي.

عشان كده، لازم يكون فيه دور حقيقي وواعي للأهل. حاولوا تتابعوا أولادكم بشكل ودي وبدون لوم أو تهديد. ناقشوهم عن اللي بيشوفوه واعرفوا نوعية المحتوى اللي بيتابعوه. حددوا وقت يومي للاستخدام، وفعلوا أدوات الرقابة الأبوية للتحكم في المحتوى. والأهم من كل ده، شجعوا أولادكم على ممارسة الأنشطة الحقيقية زي الرياضة والهوايات، عشان يقضوا وقت مفيد بعيدًا عن الشاشات.

افتحوا دايمًا باب الكلام والصداقة مع أولادكم. لما يحسوا إنكم مصدر أمان وسند ليهم، هيقدروا ييجوا ولهم بأي مشكلة أو موقف يتعرضوا له على تيك توك أو غيره، وهتكونوا أنتم خط الدفاع الأول عنهم.