ما تعشمنيش
………………..
ما تسيبنيش لبكره
واتشعبط فى العشم
واستنى الدنيا تضحك
والحلم يكون علم
واصحى م النوم
الاقى لا حس ولا
خبر
واشوف الدنيا صعبه
فى عنيه دنيا تانيه
مش دنيا فيها المحبه
كات لينا دنيا حلوه
الضحكه ليها طعم
والفرحه فى كل قلب
بستان وروده حب
ايام كانت جميله
والناس كانت سعيده
ولمة كل عيله
والعزوه والاصاله
ووشوش بالحب طارحه
الورد شوق وفرحه
جواها نفس سمحه
اشواق والف بسمه
ما هوانا عشان اعيش
بحلم بالعشم
دنيا ما بتختشيش
فيه ناس بيوتها خيش
بتحلم بالغطاء
وناس عايشه فى قصور
وقلوبها ارض بور
لا تعرف يوم تجود
بحاجه صغيره
فى الدنيا كتير تشوف
وتمر عليك وشوش
جامده من غير م
شاعر
وقلوب زى الحجر
على شحاته سليم
