كتبته: شهد مصطفي نورالدين
افضل مسلسل درامي السنة دي والقفلة هايلة فكرة الصراع المستمرة بين الخير والشر اللا نهائية متوظفة بشكل احترافي وكانت نقطة ملعوبة اوي ان خلدون ظهر بنفس صورته رغم انه اتقتل في حين ان عرفات مات وورث حسن السبحة معناه ان الشيطان واحد وهيفضل واحد هيفضل شيطان لكن كل يوم هيتولد ١٠٠ عرفات يقفله و بيشرح عن يوم القيامة ومش هينجى منها إلا من أتي الله بقلب سليم ❤️.
مسلسل عظيم وكتابة واخراج استاذ حسين المنباوي
و كل الكاست هايل ♥️
وسقفة كبيرة للكاتب الكبير Abdelrahim Kamal
Tarek Lotfy – طارق لطفي
و بجد احسن حد عمل دور الشيطان في تاريخ الدراما بالنسبالي.
والممثل و المبدع الحقيقي اللي بيتصدق في اي دور Ahmed Amin أحمد أمين
و شابوا استاذ رياض الخولي
Mai Ezz Eldin مي عزالدين و Wafaa Amer و ميار الغيطي و Fathy Abdel Wahab – فتحي عبد الوهاب
و جميع الكاست كله ابداع و هايل امتعتونا♥️♥️
حقيقي جزيرة غمام من أروع المسلسلات اللي إتعملت
بتظهر صراعات النفس الداخلية وأهوائها صورة رائعة للدين والحق ونقاء النفس المتمسكة بيهم وصوره اخرى للدين وإزاي نفسك ممكن تغلبك أحياناً وصورة للي سخر دينه لخدمة أطماعه وصور متعددة لشياطين الإنس وفتن آخر الزمان وخطورة الإنقسامات بجد مسلسل فوق الروعة.
هو ده نوع الفن المحترم اللي الناس محتاجه تشوفه
مش إدعاء تصوير الواقع بالبلطجة والانحرافات الاخلاقية وسموم الفكر، دي الأعمال اللي مفترض تاخد مساحة مش الاعمال اللي بتظهر الانحطاط الاخلاقي وبتدعوك لإنك تتقبله تحت مسمى الحريات.
حقيقي شابوه
#جزيرة_غمام
