💠 فيلسوف الروح خالد طلعت 💠
💠 هنا آل البيت 💠
هنا مصر … هنا آل البيت
كبار المقام أهلها
هنا ميلادي .. هنا أنا إتربيت
ستنا زينب أم الحنان
في بلد الخليل
والسبيل مية ورد للعطشان
ومقام ستنا فاطمة اللي علي إسم جدها إتسمت
فاطمة يانبوية
هنا المحبة من غير فئوية
ستنا عأئشة
مقام عالي نور وهلال
مخطوطة السيرة من مية النيل بالريشة
قلوب حسيسة
منارة ستنا نفيسة
هنا راس الشهيد سيدنا الحسين النور فوق العمة
مساكين متنورين بالأنبياء والأولياء
أصحاب العلوم والصدارة
مصر للعالمين منارة
مصر زينة العالمين
فيها علي زين العابدين
تزورها تتنور
هنا حفيد النبي الخاتم سيدنا حسن الأنور
علي أرضنا الإمام ومن أرضنا الشيوخ والشعراوي الإمام
القرآن والذكر والتفاسير
الوسطية والإمام الشافعي في مصرنا
هنا فك الأسير
نجدة الملهوف والمصير
مصر لكل شيء روح
إعتصم بالمدد العالي نوح
إدريس أول من كتب بالقلم نشأته فيها
دخلها الخليل إبراهيم
من هنا كان النسب إسماعيل
إبن ستنا هاجر من الخليل
يوسف عزته منها
يعقوب … رضاه … عد البصر سجد علي أرضها
وحدانية ربنا دينها
يوسف كرمه إخناتون
موسي وأخوه هارون
عيسي والعذراء مصر لهم الملاذ
بجندها وأهلها الخلق من الشر إستعاذ
مصر الحلم والعلم
النصر علي العتاة
منارة العلوم والسلم
محمد مع جبريل زاروا أرضها
بارك أحمد أهلها ورزقها
هنا العلية والسنية
منها أطهر نساء العالمين
آسيا والبتول المجدلية
المنيا ياماريا
ياأم إبراهيم من اللي جده إبراهيم
يامسك الختام لسيدنا النبي
أنا مصري معتدل مذهبي
هنا البيت لآل البيت
هنا سيدنا محمد بارك إسمها
مصر ربنا في كتابه
الوحيدة اللي كثر من ذكر إسمها
مصر المدد ياأهل المدد
بركة وطهور
أنوار وأسرار من قبل معرفة الحروف والعدد
مبارك آل البيت بمصر البيت
مباركة بسيدنا محمد سلام من ربنا وحبيت
💠 خالد طلعت 💠
