(المر)

مجدى صبحى يكتب

المر مراره علقم ومررنى..

حاولت اعدى مارضيش يمررنى..

صبرنى الصبار وعصيره شربنى..

قولت له مر شربنى وعودنى.

قالى يعنى انا اللى مرى عاجبنى..

شايف الشوك على جنابى يابنى..

عطش وتعب ونار بتحرقنى..

والشوك بيمنع سرقة المر منى..

عمر بيمر والمر عصير معيشنى..

وغيرى بيتمناه وبيشتهيه منى..

حتى المر بقى مشتهى يابنى..

مر ما تمررها مر يا بنى.

المر حتة منى وعاجبنى..

تعبت وغير المر ما طببنى..