انباء الشرق الاوسط الدولية حتى لو مريت بتجارب كتير سيئة سواء علاقات أو صداقات فاشلة و دة لسببين اولاً : لو فضلت عايش دور الضحية هتتحول لضحية بالفعل و هتفضل تجذب لحياتك ناس مؤذية أو على الأقل ناس مش شبهك . ثانياً : اعرف إن حتى لو كنت شخص كويس جداً مع الناس دى فأكيد فيك حاجه ساعدت على أذيتك ( خاصةً لو الأمر متكرر ) لازم تواجه نفسك و تعرف ليه بتشد الضرر ليك.
من ضمن الأسباب هو الاحتياج الدائم للتواصل .. بمعنى انك قد تكون شخص محتاج دايماً حد يتكلم معاه و يحس بيه يفرح معاه و يشاركه حزنه — و الحل انك تتعود تستمتع بكل شيء حتى لو لوحدك و تتأكد أن الوحدة افضل كتير من وجود إنسان مؤذى .
فيه سبب تانى و هو الإحتياج للحب و التقدير .. هنا انت بتحس بضرورة وجود شخص كأنه مرايتك تشوف نفسك بعنيه يقولك دايما على مميزاتك و يدعم ثقتك بنفسك —- و الحل انك تبدأ تشوف ذاتك بعيونك أنت ،، تدخل جوة نفسك و تدرك ميزاتك و عيوبك و تقبلها صدقوني محدش فينا محتاج نظرة اعجاب ترفعه لو هو. عارف قيمة نفسه .
و عشان كمان متسمحش انك تكون ضحية لازم تحكم عقلك مش عارفة لية السلبية والناس حابة تعيش دور الضحية والمظلومة اية الصعوبة ان الانسان يتحرر ويحافظ علي كرامتة وشخصيتة ويسترد ذاتة هل الاسهل إنه يفضل في مستنقع الاهانات والذل والمزاجية والنرجسية اقنعي نفسك انك جوهرة تستحق اللي يقدرها ويعرف قيمتها انك اتخلقتي تحبي وتتحبي وتكوني اميرة مش ذليلة انك تعيشي سنك وعمرك وشبابك ومشاعرك وسعادتك ربنابيقول لا يغير الله مابقوم حتي يغيروا مابانفسهم امسحي كلمات اليأس والسلبية من قاموس حياتك خايفة ، مش عارفة ، مش قادرة مخنوقة اشحني نفسك بالايجابية انغماسك في دور الضحية ما هو إلا انتصار الشخص المؤذى عليكي. النرجسي شخص ضعيف. يتغذى على ضعف كل من هو أمامه. قوتك تخيفه. خلف هذا الصلب الخارجي شخص هش. انت تتعامل مع شخص مريض اخلاقيا ابحثي عن ذاتك و كوني قوية اقطعي العلاقات المؤذية .. اللي وجودها بيتعب عقلك وجسمك وقلبك في حاجات مزمنة لا بينفع معاها ترميم ولا علاج حااااجات الصبر مش هيعالجها و لا التقدير هايغيرها .. كله استنزاف لطاقتك ومشاعرك و أيامك وسنينك .. خديها من قصيرها واخرجي بنفسك وإنتي عااااااقلة .. قبل ما عينيكي تتشبع بصفاتهم و تشوف كل الناس زيهم !! خلى دايماً عقابك هو إنسحابك أكبر عقاب ممكن تعاقبيه لشخص مقدرش قيمة وجودك فى حياته أو مطلعش جدير بثقتك هو إنك تمشى و تسيبيه و تنسحبي تماماً من حياته
لأن اللى بيحصل فى العلاقات السامة إن فيه طرف بيتعامل بعفوية مشاعره و بيتصرف طول الوقت بطبيعته و يسيب شعوره ينجرف ،،،، لكن الطرف التانى ( السام ) بيفكر و يخطط دايما .. عقله هو اللى متحكم . بدليل أنه فى البداية هيسمعك كويس اوى و يحتويك جدا مش حباً فيك … لكن عشان يعرف نقاط ضعفك و يدرسها كويس و يلعب عليها بعد كدة … العلاقة بالنسبة له عاملة زى السلم بيطلعه درجة درجة . بالنسبة لك ماشىية بقلبك لكن بالنسبة له كل حاجه ليها حسابات !!! و فى نهاية كلامى مش بقولك لو انت شخص طيب و نقى اتغير بالعكس خليك زى ما انت بس اتعلم تقدم طيبتك و نقاءك للى يستحقهم عشان تقدر تحافظ على سلامك النفسى
