بقلم /صبحى جمال
لما كان جوايا ماااااات كل الحنين
والسواقي الدايرة مبترويش شراااااقي في القلب غايره من سنين…..
..شايله وياها ريحة الاياااااام بحالها.
بمرها وبطعم الوااااان السنين
والايدين السمر غارزة في الارض الشراقي ….
من يوم ما كان جواها طين..
وصورة فرحة فرحتها مرت وعدت من سنين… .
ولما كانت فوق جبيني خطوط محفورة زي اللي كانت عند ابويا بتحكي أحلام الشقيانين…..
كنت راكن ضهري تحت ضلة شجرة.. كان زارعها بأرضنا جدي الكبير..
وف عز نقرة الاياله !
هب الهوي زي النسيم
وش القمر جاااي محوطاه الضفاااير خاضرة يعني زي المبلولين
والخصر سبحاااااان من خلق
والخطاوي تهبل كل عاقل
خايف أوصف تظلموني وتقولولي
أيه جرالك كنت عاقل
ولاا كنا مغشوشين
وفي الحقيقه اناكنت ميت والسواقي الدايرة شاهدة والشراقي وجلد أيدي بيحكوا أسرار السنين…
كنت ماشي مع السراب
ومش لاقيلي أيدين تغيثني
ولاحتي حد يقولي مالك
ويواسيني.
يعني باليأس اتمليت
تعالوا شوفوا ايه حصلي لما شفته
ولما جت عيني ف عنيه
كأن نهر النيل معدي بس يسأل عن عروقي مكانها فين
ولقيتني واقف
والعافيه رجعت فوق كتافي
وشلتها م الارض شيل
ولاكان يرضيكوا اسيبها قدامكم تمشي خطوتين
حاكم الهواااا كان بيلاغيها وبيداعبها
وقال ساعتها كلمتين
وانا قلبي مااستحملش خالص
رحت جاري ومداريها في هدمتي بضمة حنين
وقتها كانت حكاية
ماكانش موضوع كلمتين
ماكانش موضوع كلمتين
