(مين يديني العيدية) كلمات للاعلامى تامرعيسى
(مين يديني العيدية) كلمات للاعلامى تامرعيسى
كلمات للاعلامى تامرعيسى
بعد موتك ياامي
مين يديني العيديه
جاي اقراء الفاتحه ليكي
وانا عارفك حاسه بيا
بصلي العيد وارجع
متخيل تاني هلاقيكي
اكل من كحكك اشبع
وانزل على قدمك اركع
عشان ابوس رجليكي
وناكل على الطبليه
الصبر من عندك يا رب
يا رب هون علية
يا ساكنه تحت التراب
وعمري بعدك ضباب
ولا حول ولا قوه ليا
يا رب عوض عليا
الدنيا بعدك عذاب
خاليه من الاحباب
لا في حد يسال عني
ولا حد بيدق باب
وذكراكي عايشه فيا
ايامك كنت برجع
من العيد ابوس ايديكي
دلوقتي بروح لقبرك
ابوس مكان رجليكي
كنت برجع من العيد
تقوليلي فين اخوك
تقوليلي يا واد يا تامر
رحت لقبر ابوك
اقولك ايوه يامه
والله رحت يا مبروكه
ايدك على حته ب 100
وما تاخدينيش في دوكه
ده انت شحط وابو عيال
ده انت المفروض تديني
فلوسك بركه ياما
ولا غيرها بيملا عيني
عادة واتقطعت يا امي
وانقفل معاها البوك
وانا لسه شايله في جيبي
وعمرة يوم ما يسوك
غير لما اموت واقبلك
وانام في القبر جنبك
يا ريتني كنت قبلك
وفضل معاكي البوك
بعدك عايش مجروح
غابت حبيبتي النوح
اتنين ما يتعوضوش
امك وبعدها الروح
والنهارده كنت عندك
استسمح ليكي الله
وجايب لربي واسطه
ناس في الدين وصله
الدكتور محمد صبري
والشيخ رفعت خلف الله
علماء دين وقرآن
بيدعولك بالرحمه يامه
الدنيا فاضيه بعدك
كله نساني في بعدك
وراحت معاكي اللمه
يتيم وانا لسه بحبي
وكنتي العيله واللمه
والله الدنيا بعدك
في عز الشمس ضلمه
يوماتي قاعد على قبرك
يا عمري اللي راح والاتي
اطلب غفران ربك
يا اغلى حاجه في حياتي
الله يرحم امي وابي وامواتنا
وكل اموات المسلمين
وربنا يصبر كل واحد فقد عزيز في هذا العيد المجيد