قصيدة (تنهيييييده ) بقلم الشاعرة فاطمة علام

بقلم الشاعرة القديرة فاطمة علام

أصحى ياعم الشعر تعالى وأسمعني  

طرطأ ودانك بقى 

وياريت تسمعني حبة غزل من نوع تنهييده مع آااهه 

 واعصر على وشهم شوية م البوهارات وحبة م السهوكة  

وصبها فى كاسات واطلع شويه لفوق شوف لي سحابه تكون حبلانة بالمعني وافضح شعور الشوق إزعق وجمعنا 

قول للبشر قوموا 

وبلاش تصحي الوجع والحزن وهمومه

 هات الكلام صابح 

 من فوق سبع سموات 

وش النهار جايب قشطه وبلح أمهات لكنه مش لينا مرهون بكيس سكر

 طبلية الأغوات مليانه بالخيرات 

والبيت كتب نعيه 

فى صفحة الاموات 

صوت الحنين زاعق

 ع الجدة والعمات 

ياليل مجمعنا 

فين راحت النجمات ؟

   ألفين نهار عدو متلجمه جروحنا

  وافراحنا يتعدوا

صاب الخرس روحنا

    ياعم فوق واصحى

 من حلمك المغشوش

   قلمك طلع فاضي

   متعبي بالفنتوش

 والناس كمان تايهين 

لابيفهموا المعنى  

ولا إيه بيوجعنا !!

إمتى تعود روحنا؟

و ينقطونا سكات

 #فاطمة علام#