متابعة /رضا علام
القصة بدأت عندما ظهر رجل قام بتسمية اسمه مستريح كان يقوم بتجارة المواشى وكان ظهوره فى أسوان والمدهش أنه جمع أكثر من نص مليار جنيه فى أقل من شهرين .
أستغل طمع الناس وتاجر باحلامهم فى المكسب السريع والسهل .
قصته جديدة ومبتكرة فى النصب
فمن هو مستريح اسوان ؛؛؛؛
اسمه مصطفى البنك كان يعمل سواق توك توك ومسمى نفسة المستريح
بدا بارتداء سبحة فى رقبتة وامسك بكيس غريب فى ايدة ماشى بى طول اليوم وعمل فيها مدروش وقال للاهالى انا ابن السيدة زينب لانها جاتلى من سنتين فى المنام وقالتلى اساعدكم .
وبدا يشترى من الناس المواشى بأعلى من سعرها الحقيقى ويقولهم فلوسكم هتخدوها بعد 21 يوم وبعد 21 يسلم ناس وناس تيجى فى خلال الفترة دى تيجى ناس تانية وياخد منهم ويسلم غيرهم وهكذا والغريب ان الاهالى كانت بتبيع المواشى بتاعتها بمبلغ وبعد شهر بيشتروا منه نفس المواشى بأقل من سعرها بكتير ومحدش منهم كلف نفسة يفكر اية الحكاية رغم انه داخل عليهم بيقولهم انا اسمى مستريح يعنى نصاب رسمى .
لكن السبحة والكيس اللى فى ايدة والسيدة زينب كانو كفيلان ان اى واحد زى دة يضحك عليهم ويخلص على الثروة الحيوانية فى اسوان .
وياخد الملايين ويهرب بيها وللاسف كانت سوف تقوم حرب اهلية بالقرية لولا تداخل قوات الأمن بعد اطلاق نار من قبل الاهالى .
وفر هارباً بأموال المواطنين حيث تمكنت الاجهزه الامنيه بمديريه امن اسوان بالاشتراك مع الأمن العام من القبض عليه أثناء هروبة وتخفية بإحدى المناطق الجبليه بمركز ادفو بأسوان .
وقد تم تحرير محضر بالواقعة وجارى عرض المتهم على النيابه العامه للتحقيق معه .
