باب الهوى
……………
خبطت على باب
الهوى
قاللى مين عالباب
رديت بصوت مبتسم
واحد من الاحباب
خاصم عنيه النوم
وليله كله عزاب
قاللى روح للقمر
احكيله عن حالك
واشكيله مر الزمن
واقوله موالك
اصعب ما فيك يادنيا
ما عندكيش غالى
وانا اللى شارى انا
وانت بعتى زمانى
انا بشكى واحكى للقمر
من مر ليالى الشوق
من دنيا صعبه بتقسي
عالعاشق وعالمعشوق
زرعت قلبى ورد
وسقيته بالاشواق
جمال حبيب جمال
باشرب وانا العطشان
واحن للحظة غرام
اشرب واقوله كمان
اسقينى من حسنك
يا ابو قلب كل حنان
على شحاته سليم
