قصيدة عارف : للأديب الشاعر د. هاني السعداوى
عارف لما الحب بيكبر جوه قلوبنا
الصافيه الرايقه بيحصل ايه
…………
تسمع دق النبض الدافي
سابح فوق الموج الصافي
والفراشات ترقص حواليه
تلقي نسايم شوق ومحبه
ترسم فوق الضحكه شفايف
اللي يشوفها ياعيني عليه
عارف
……….
عارف لما تحس بروحك رايحه
وماشي بتبكي وعينك سارحه
تبقي لمحت الدمعه الحايره
حوه عنيه
عارف
………..
عارف لما تلاقي حبيبك جالك
ساب الدنيا بحالها عشانك
قوله تعالي ياعمري باغالي
وشيله جوه حبابي عنيك
وامسك ايده وتبت فيه
عارف
…………
عارف فجاه لما تلاقي الدنيا نهار
ولما قلوبنا الخضرا الرايقه
تبقي عمار
اعرف ان الحب خلاص عشس
جوه قلوب الناس
وان الفرحه لابسه الطرحه
وماسكه ايديه
…………………..
عارف
