كتب / شهد مصطفي نورالدين
– ليه لبستي الحجاب ؟= خوفت .. بنتي كانت لابساه قبلي من و هي صغيرة جداً فقولت إذا كانت المفعو.صة دي اتحجبت و بتقرا قرآن كتير هي بتدرس قرآن و لبست الحجاب قبل ما تكمل 17 سنة- و العدوى انتقلت ليكي؟= مش عدوى أنا اتكسفت من نفسي إن بنتي تبقى مُلّمة بالدين وسيدنا مُحَمد وأنا شاغلني التمثيل ف ماحبتش ده- خوفتي من أيه؟= من اللي هيحصلي بعد كدا ، انتي هتتحاسبي على كل حاجة وعالتمثيل إذا كنتي هتعرّي حاجة أو هتقولي كلمة بذيئة، حبيتي، بوستي، كل دا هتتحاسبي عليه وانتِ في الدنيا بتتحاسبي عليه .. انتِ مذيعة فكرك مش هتتحاسبي؟!- يعني اللي بيشتغل بالفن بيشتغل بالحرام ؟= انا سألت الشيخ الشعراوي وقالي أه بس التمثيل نفسه مش حرام ، وضحّي للناس قولي حاجة تعلّم الخلق مش بوس و أحضان و الحاجات اللي انتو بتعملوها دي ، ومن ساعتها وأنا ما بعملش أي حاجة .. و الله يا بنتي ربنا بيوسعها عليكي قوي كفاية إني بنام سعيدةربنا يرحم الست الجميلة سهير البابلي 
