كتبت عبيرياقوت
تعرف يعني اية هي مساحة الامان
يعني عندك سند، عندك ضهر، مش قلقان، نايم مش خايف، مش بتلتفت حواليك وانت بتقول ي تري بكرة مخبيلي اية،
لو نفتكر في فيلم اسفة ارفض الطلاق، مرفت امين كانت من عيلة راقية محترمة واصرت انها تتجوزمن حسين فهمي وهو كان اقل منهم اجتماعيا واترفض من عيلتها لكنها حبيته اصرت هي واتجوزته، وكانت تعمل بمكانة علمية مرموقة وطلب منها انها تترك وظيفتها وما اترددش لحظة وقدمت استقالتها وكانت ف خدمته وبتعشق التراب الل بيمشي عليه ومر العمر وبعد عشر سنوات من زواجهم اتفاجئت بانه بيقولها انا مش مرتاح معاكي ولازم اطلقك، فزهلت وبقت حتتجن ازاي مش ممكن، طيب اية الل حصل مش ممكن ولكن كان رده ان هو مش مرتاح وان قابل الل كان بيحبها ايام الجامعة وحتطلق وملهاش حد ولازم اكون جنبها واتجوزها، مفكرش ف مراته الل باعت الدنيا واهلها عشانه وسابها هي وبنتها لمجرد نذوة مراهقة واضافة لتبريره انك اهلك مش حيسبوكي، تخيل يا عزيزي، لكنها رفضت وكان لها صديقة محامية عاشت معاها رحلة حبها ليه، قالت لها انا عايزة ارفع قضية ارفض الطلاق، يعني اية اما تحب تعمل حاجة كرجل لك الحرية وانا عمري فين وحياتي، لازم ارجعك، لكن للاسف المحكمة لها قوانين تعطي الحق للرجل انه يطلق لكن ما يحتفظ واترفضت القضية، فهوفرح بنفسه اوي وروحت بتبكي فلاقيته داخل عليها بيقولها انا جيت اد كدة بتحبيني، يلا نرجع كل حاجة زي زمان، رديت وقالت لا مش كل حاجة ينفع ترجع انا فقدت حاجة مهمة جدا صعب تعود، سألها اية هي ردت وقالت الامان.
الشاهد هنا ان الامان دة حاجة كبيرة اوي اوعي تكون عايش معاها وفجأة تخدعها او تعمل حاجة توجعها وتقولها محصلش حاجة
حافظ ع الل بتحبك واديها الامان.
دكتور عبيرياقوت
استشاري علاقات اسرية وصحة نفسية
