صحة

خبز من غير عجن نهائة ونتيجته مضمونه من اول مره مقدمه الشيف أسامه حواله

خبز من غير عجن نهائة ونتيجته مضمونه من اول مره مقدمه الشيف أسامه حواله

مقدمه الشيف أسامه حواله

الطريقه والمكونات

350 مللي من الماء حوالي كوب ونصف

هنضيف عليها نصف ملعقه كبيره من الخميره الفوريه

وملعقه كبيره من السكر

هنخلط المكونات دي الاول مع بعض لغايه ما الخميره تذوب وبعد كده هنضيف عليهم

400جم من الدقيق هنضيفه بالتدريج الاول كوبايتين ونقلب وبعد كده نضيف باقي الكميه يعني اجمالي الكميه حوالي ثلاث اكواب ونص التقليب هيكون بالمعلقه أو الاستباتيولا

مجرد ان احنا بنخلط الدقيق مع السوائل ونكون العجينه

بعد كده هنضيف عليها معلقتين كبار من زيت الزيتون ونكمل خلط فيه لحد ما العجينه تتشرب زيت الزيتون العجينه فيها تلزيقه وهو ده المطلوب هنغطيها ونسيبها تختمر لمده نصف ساعه في مكان دافئ

بعد نصف ساعه نبل اطراف صوابعنا بالماء ونبتدي نمسك طرف العجينه ونشدها الاعلى وبعدين نطبقها على الجهه الثانيه هنعمل كده من الاربع جهات كأننا مثلا بنطبق قطعه من القماش

العمليه دي بتساعد على ادخال الهواء بداخل العجينه هنغطيها ونسيبها تختمر ثاني لمده ثلث ساعه هنكرر العمليه دي ثلاث مرات ما بين كل مره بتختمر ثلث ساعه ونطبق العجينه ونغطيها تختمر وهكذا

بعد المره الثالثه هنغطيها ونسيبها ليله كامله في التلاجه يعني من 12 ل 17 ساعه

في اليوم الثاني هنخرجها من التلاجه ونطبقها مره كمان ونسيبها ثلث ساعه وبعد كده ندهن الوجه بملعقتين من زيت الزيتون ونجيب صينيه الخبز ممكن تعملي على شكل مستطيل او دائري هنقلبها فى الصينيه ونكون حريصين علشان نحتفظ بالهواء اللى بداخلها المره دي بقى هنغطيها ونسيبها ساعتين بعد الساعتين هندهن وشها برده بالقليل من زيت الزيتون نبتدي نضغط عليها باطراف اصابعنا هنلاحظ تكون الفقاعات انا بحب اضع ما بين الفقاعات فصوص ثوم بس مستويه فى زيت الزيتون نزينها بطماطم شيرى وزيتون وروز مارى أو اكليل الجبل 

ادخلها فرن ساخن حراره 180 لغايه ما لونها يحمر واما تخرج هندهنها دهنه بسيطه من زيت الزيتون ونقطعها وبالف هنا

مطبخنا لمتنا….

زر الذهاب إلى الأعلى