بصوت كل طير بنى عشه على شجرك
وبضحكة صياد لئه رزقه فى كرم بحرك
وبصوت كل سير دار فى مصنع على ارضك
وبدم جندى بطل صان عرضك
جى اغنى وكلى حنين
وى اهلك الطيبين
عرب ونوبه وصاعيده وفلاحين
وولاد البلد المتأصلين
فى احيائنا الجميله فيصل عتاقه والجناين
والسويس والاربعين
بين النجوم قمره ياسويس
ياام الشباب سمره ياسويس
حارسك رب العالمين
بسيدى الغريب والاربعين
وضحى بارضك شهداء
ومبروكه ليوم الدين
بلد مقاومه وشهامه
ضد الغزاه والمعتدين
واسألوا حافظ سلامه
ورجالته المخلصين
وكان اكتوبر علامه
فى عيدك اربعه وعشرين
ومننساش اجدع رجال
غزالى والعشى ورمضان
وابو هاشم وفاروق واحمد هلال
حياتى وهبها عشانك
فداكى روحى وعنيه
تاريخ النضال ده زمانك
ودايما حره وابيه
بين النجوم قمره ياسويس
رمز الصمود والبساله
واقفه لمين يعاديكى
شبابك دايما رجاله
حلفين يعمروا اراضيكى
بين النجوم قمره
وبعون المولى الستار
نزرع فيكى ليل ونهار
وتبقى لقنتنا عروسه
ونبدل شوكك ازهار
بين النجوم قمره يا سويس
المولى قسم واختارك
عتبه حج المسلمين
والغريب لو مره زارك
يحلف بكرمك سنين
بين النجوم قمره ياسويس
ريسنا الحر الاصيل
بيحقق فيكى العداله
وعشان جوك جميل
بنى فيك الجلاله
بين النجوم قمره
