بقلم/فيفي خضر
أعشق الصمت لأنه من أروع صفاتي
حتي أن لغة الصمت هي إحدى لغاتي
والصمت عنوان أسطره في أبياتي
والصمت عندي قاعده أتبعها في حياتي
فليس من الضروري أن أتكلم حتى تفهم محتوياتي
فبإمكانك أن تنظر في عيناي فتجد جميع إجاباتي
فمن لم يفهم صمتي فكيف سيفهم كلماتي.
لحظةصدق يصورها قلم الإعلامية والشاعرة المتميزة
#لحظه صمتك
عارف لما سكوتك يسكن قلبك
والكلمة سجينة جواك
لما تلاقي دموعك جوه عيونك
وانت بتضحك من ورا قلبك
علشان تثبت انك عايش
أصعب حاجه لما تكون محتاج
قلبك يبقي في حضنك ماتلاقيهوش
عارف ليه
صمتك قاتل كل عواطفك
عقلك رافض كل الواقع
صوتك رايح جوه سكوتك
حتي دموعك ويا سكاتك
لحظة ضعفك شاغله حياتك
مبقاش حتي محصل جايز
ترفض انك تظهر ضعفك
تكتب شعر مجرد وصف
إنك حاسس ومنتش عايش
وتسيب حزنك ألمك يأسك
وفى لحظة تلملم كل عواطفك
واللى اتبقى من إحساسك ليك
تواجه نفسك وتعيش بيه
عارف لحظه صدق تعيشها لوحدك
احسن م الكدبة اللي انت عايشها
مع أصحابك ومش اصحابك
الوحده دى احسن صاحب
صاحب صاحب وفي لما تصاحبه يخلص ليك
صاحب روحك صاحب قلبك
صاحب عقلك صاحب قلمك
يحكى ويكتب كل مافيك .
