بقلم/فيفي خضر
مديت ايديه في دفتر
الاشعار وقولتلو غنيلي
قولي قصيدة شعر من كتا بااااتك
ووحياتك أوزن قوافي الشعر
خلي الكلام موزون
بيمجدوا في اشعاااااااارك
سمعني ألحانك
علمني معني الشجن
دوقني طعم الألم
حسسني نار الفُرقه
وقسوة الايام
عيشني في الأوهام
إكويني ب الغربه
وإرويني شوق وحنين
غرقني في الأحلام
إسرقني م الدنيا
أخطفني م الأحزان
كل الأحبه
إتنكروا وإستنكروا
وإستبصروا عميان
ومش عارفه
أنا اللي مش موجوده
ولا هما اللي مش باينيين
هما اللي مش حاسين
كل الأحبه خلاص
راحوا ومش راجعين
خلينا بقي ساكتين
كل الأحبه بتوعك
عبارة عن دُخان سيجار نيكوتين
مُلخص كل إحساسي
في كلمتين اتنين
كتبوني الأحبه حضور
في دفتر ال غايبين.
دفتر اشعار
