أصعب يوم
بقلم: سلوى عبد الستار الشامي
يوم فراق امى
كل صعاب الدنيا فى كفة
وفراق امى لوحده فى كفة
اليوم ده بالذات
بيفضل عايش بكل تفاصيله
بيمر قدام عنينا لحظة بلحظة
أصعب يوم
بنميل على جبين الام ونبوس
واحنا عارفين انها آخر قبلة
آخر حضن
آخر لمسة يد
آخر دعوة
آخر نظرة
ولما غمضت عينها
تهيألي الشمس مطلعتش
تهيألي الغروب مجاش
أصعب يوم
يوم لما تلاقى الكفن
غطى وجه الملاك
أشتاق ليها
عارفة أنه مستحيل
يوم خروجها من البيت
قلبي اتخلع لخروجها
أصعب يوم
يوم بصيت حواليا ملقتهاش
جريت انظر فى وش الناس
يمكن أعثر عليها
أصعب يوم
يوم الوداع
يوم مالهوش ملامح
متهيألي النور انطفى
برحيلك
أصعب يوم
هوا يوم رحيل الام
