كتب رامي يسري
في إطار خطه عمل مبادرة صناع السعادة والتي تحت رعايه محافظه الإسكندرية و مديرية التضامن الاجتماعي بالإسكندرية قام شباب خليك ايجابي اليوم بالنزول لمنطقه العصافرة بحري والمعهد الديني وميامي علي البحر وقاموا بتوزيع هدايا و فوانيس وبالونات وحلويات علي الاطفال
ويعد نزول المبادرة اليوم هو المشاركه للسنه السادسه علي التوالي
ويقول رامي يسري رئيس مجلس إدارة جمعية خليك ايجابي أن المبادرة هي واحدة ضمن ١٠ مبادرات تقوم بها الجمعيه منذ بدايه نشأتها منذ ٦ سنوات ولكن صناع السعاده هي الأقرب الي قلبي فكما قال نبينا الكريم
أَفْضَلُ الْأَعْمَالِ: إِدْخَالُ السُّرُورِ عَلَى الْمُؤْمِنِ
وتحدثت الاستاذه ايات حجر مدير عام الجمعية قائله لدينا انشطه اخرى كثيره في رمضان ومنها شنط الخير والاطعام وافطار الطريق وكمان الافطار الجماعي بس طبعا في ظل غلو الاسعار الدنيا بتختلف وقل توزيعنا جدا وبنحاول حاليا نفرح الناس بحاجه بسيطه على قدنا
وتحدثت شوق عبدالدايم رئيس لجنه المساعدات والتواصل الاجتماعي بالجمعيه دي اول سنه ليا في الجمعيه واول رمضان بحاول اساعد على قد ما اقدر ولكن فعلا الظروف بقت اصعب ما يكون علي كل الناس بس يكفينا الضحكه الحلوة والفرحه البسيطه اللي قدرنا ندخلها النهارده على قلوبهم
وتحدثت الاستاذه سوزان حنا انا في قمه فرحتي ان انا نازله لاخواتي المسلمين وبقول لهم كل سنه وانتم طيبين ورمضان كريم وبعوده الايام وربنا ما يقطع لنا عاده دائما ونفضل دايما مع بعض ومتجمعين في الخير
