بقلم / محمدالطراوي
١/ إسكندرية أقدم من القاهرة باكتر من ١٠٠٠ سنة إسكندرية اتبنت فى ٣٣١ قبل الميلاد و القاهرة اتبنت فى ٩٦٩ ميلادى يعنى اكتر من ١٢٠٠ سنة
٢/ الإسكندر مشافش إسكندرية بعد ما تم الانتهاء منها عشان بعد ما دخل مصر راح يحارب فى أماكن تانية لحد ما مات فى العراق والأسطورة بتقول إنه رجع يتدفن فى إسكندرية
٣/ إسكندرية عدى عليها يونانيين مقدونيين رومان (ايطاليين) بيزنطيين (روما الشرقية) و عرب من شبه الجزيرة العربيةكل دول حكموا إسكندرية فترات من الزمن و كل فترة أدت للبلد حاجة و أثرت فيها
٤/ عدد اليونانيين فى إسكندرية سنة ١٩١٧ كان يبلغ حوالى ٥٦ الف نسمة دلوقتى عددهم قل لحد حوالى ٤ آلاف نسمة بس و طبعا كلهم مندمجين داخل المجتمع المصري
٥/ مكتبة الإسكندرية الحالية هو مبنى حديث معمول قريب لكن مكتبةالإسكندرية الحقيقية اتحرقت سنة ٤٨ قبل الميلاد
٦/ إسكندرية فيها مدينة كاملة مدفونة تحت المية (هرقليون) و كلها أثار و حاجات من عصر البطالمة و الرومان ولكن للأسف مش كتير بيزورها وللعلم فأن اللوجو بتاع الدورى الإنجليزى متاخد من تمثال تحت الميا هناك
٧/ في قديم الزمان إسكندرية كانت مقسمة ٣ اجزاءجزء لليونانيين و جزء للمصريين و جزء لليهود الجزء اللى كان عايش فيه المصريين كان قرية (راقودة) و هومايعرف الان بأسم كوم الدكة
٨/ إسكندرية مصر هى واحدة من اكتر من ٥٠ مدينة إسمها إسكندرية حول العالم وموجودين في كندا و البرازيل و إيطاليا و رومانيا و تركيا و روسيا وغيرهم لكن أشهرهم على الاطلاق مدينة الإسكندريةالنصرية.
