تقديم / شيف اسامه حواله
“كل الناس تعرف الباباغنوج… بس مش اي حد يعرف يعمله ، مش اي حد بيعمله بيظبط معاااه… فيه كذا طريقة ممكن نعمله بيها.. بس فيه طريقة مميزة تخلينا نقول مفيش احلي من كده……. هقولك انا بقا علي فكرة حلؤؤؤة هتتدعيلي انا والأستاذ اللي علمني…
#طريقةورقةاللحمة … ايووة حضرتك هتجيب حبة الباذنجان الجميلة وتقسمها نصين كل نص لوحده في ورقة فويل” الورق الحراري”… هتحط مع النص ده شرايح فلفل أخضر وفلفل ألوان وشريحة بصل وفصين ثوم وعود اعشاب روزماري وكمان ريجانو… هتقفل كويس ورقة الفويل علي الباذنجان والخلطة دي… مش هتتدخل الفرن لا… هتنزل بيها علي النار مباشرة شعلة البوتاجاز متوسطة وتسيبها تستوي… بعد كدا هتاخد قلب الباذنجان مع الخلطة اللي معاه وتهرسه كويس مع بعض بإضافة زيت الزيتون والملح وقطعة جبنة #فيتا بيضاء وياسلام بقا لو بتحب الشبت افرم عليه عود .. عصير ليمون….
وبالف صحه وهنا على قلبك يا برنس …. جربها هتتدعيلي .
