كتبت/عزة عبد العزيز
تيجي نتفق اتفاق ..
تبقى حب بدون فراق
تبقى “صاحب” وتبقى “أب”
تبقى “فرحة” ف وقت هم
تبقى ساكن جوة روحي
ويبقى حافظك قلبي صم
تبقى “جنة” وتبقى “أرض”
تبقى “حضن” ف ليلة برد
تبقى وقت الحزن “ايد”
طبطبت لما اشتكيت
تبقى جنبي لو بكيت
تبقى بيت ..
تبقى “عزوة” و “ناس” و “أهل”
تبقى “قلب” و “روح” و “عقل”
تبقى مش حد ف حياتي ..
تبقى كل حياتي انت
تبقى “أبوية ” وتبقي “ابني ”
تبقى “طفل” ف الجنان
تبقى وقت ما اخاف “أمان”
تبقى كائن واتخلقلي ..
من دلع + حنان
تبقى اول كل حاجة
بفتكرها ف كل يوم
تبقى “حلمي” ف وقت نومي
و “الحقيقة” لما أقوم
قولت ايه ؟!
..تيجي تبقى؟!!!
