قصيدة بعنوان : يمكن للشاعر سمير ابو السعود
يمكن انا
يمكن انتى
يمكن الزمان
اختار فراقنا
وحدد الساعه والمكان
ويمكن احنا ما حد غيرنا
اختار الفراق
وقدرنا ننسى ليالي الشوق
ليالي الحب والحرمان
ويمكن دموعنا قادت شموعنا
وطفتها الاحزان
لما الدموع تقول للضلوع
حكايه النسيان
تهوى الضلوع
وتحكي لي القلب والوجدان
تطفى الشموع
ويبقى العمر زي النار في البركان
ونبعد ونبعد وننسى كل الحب والحنان
نرجع تاني نتندم بس يا خساره
بعد ما يفوت الاوان
ونتواعد ونفرح ونقول
نتقابل تاني زي زمان
ونتقابل
يقفي الكلام على الشفايف حيران
لا بتتكلم ولا اتكلم
ونصمم ثاني على الحرمان
ونشتاق ونرجع نتقابل 1000 مره
مليون مره وفي كل مره
نفرش الطريق احزان
ليه… ليه مش عارف
لان يبقى سوا
ونعد الساعات
فاضل دقيقه على فراقنا
فاضل ثواني من الزمان
ونتقابل ونقف
زي النخل في الوديان
لا انت سامحت
ولا انا كمان
نقول كرامتنا نقول احساسنا
لو اتنازلتى انتى
هتنازل انا كمان وكمان
نخاف ينقص من عمرنا
نخاف اللي يقول
يبقى في يوم ندمان
طيب
انا غلطان
انا اللي ضنان السهد والحرمان
انا اللي وقفت الدموع في عينيا
لا طايلة تنزل ولا ترجع
ولا تقول ندمان
انا اللي اخترت فراقنا
انا اللي هديت البنيان
ويمكن مش انا
ويمكن مش انتى ويمكن مش الزمان
يمكن نصيبنا كده
يمكن مصيرنا كده
ويمكن ترجعنا تاني الايام
مين عارف
قادر ربنا يجمعنا في ثانيه من الزمان
العراق – مدينة الحله عام 1996
