مقالات

كلُّ هيِّنٍ لينٍ سهلٍ

كتبت /شهد مصطفي نورالدين.

أكتر ناس بحبها وبدعي طول الوقت اني أكون منهمهي الناس اللي سيدنا النبي قال عنهم”حَرُم على النارِ كلُّ هيِّنٍ لينٍ سهلٍ قريبٍ من الناس”الهيّن:- هو الحنين الطيّب اللي بيراعي مشاعر الناس ومش بيظلم حد وبيعظّم ظُلم الناس- المتواضع اللي مش شايف نفسه علي حد بالنِعم اللي عنده- اللي مابيهونش عليه إنّه يأذي حد ولو غلط لانه بشرفـ بيعتذر بدون كِبر وغرور وبدون مايكون شايف نفسه- ولما حد يغلط فيه ويعتذر له، بيقبل الاعتذار عادي• الليّن:- الصادق اللي ماعندوش تكلّف وتمثيلوبيعمل اللي هو حاسس بيه بدون الالتفات لكلام الناس- اللي بيكون ليّن في عتابه وبيكون ليّن في زعله ولما بيزعل يبقي مافيش فُجر في الخصومة والزَعل- عنده رحمة ولين مع الخلق وبيحس بيهم السهل:- اللي بيسهّل علي الناس ومش بيتعب الناس معاه ومش مُرهق في القُرب منه ومش مُرهق في طلباته- ومش بتبقي شايل هم كل كلمة انت هاتقولها هو هايفهمها ازاي وماتبقاش شايل همّ انه يسيء بك الظن- اللي سهل في التعاملات ولو انت اتأخرت عليه في الرد وهو بايديه يرد بسرعة، هايرد بسرعة عادي بدون عُقدالقريب:- اللي قريب من الناس وبيسعادهم وبيسمع منهم وبيخفف عنهم وبيقف معاهم في مشاكلهُم-

زر الذهاب إلى الأعلى