كتبت/نعمه احمد
الطفل اللي بتمد ايدك عليك النهارده بكره هيكون مراهق وشاب هيرد عليك بالعنف
ومشاكل نفسية كثير في نفسية الطفل وبتفضل مصاحباه طول العمر
الزوج او الأب العنيف، والتنمر والشكوي من الابن أو البنت
ومفهوم فرض السلطة بالذراع او عدم الثقة بالنفس حتي في ابسط الأمور .. ده جه في يوم وليله ولا من البيت ونمط تربية متكررضرب_الطفل حتي الضرب الخفيف
مش حل لكنه قلة حيلة وتنفيس عن غضب المربي!!
قد يحسن الضرب السلوك بصورة وقتية ، والطفل مش هيحسن او يتراجع عن السلوك هيكرره اول ما تختفي من قدامه …وده لأن الضرب ليس طريقة لتعديل التربيه
مش دي التربية .. ده فرض قوتك لانك انت اقوي واكبر بس بكره وبعد سنه وسنين الحال مش هيفضل نفس الحال !
اصل الموضوع محتاج صبر وتدريب وانا معنديش خلق…
. هو الضرب والاهانه هو المظبوط !! التربية الهدف منها ابراز جوانب القوة في الشخصية والتعامل مع نواحي الضعف .. واكيد الضرب مش هو الطريقة
لما تشتكي ان الطفل معندوش ثقة في نفسه او منسحب عاده وبيكذب ويتجنب المحاولات او انه عنيف جدا مع احد الوالدين او الأخوات او الأصحاب… اعرف انه بيطبق نموذج القدوه اللي تبناه لما تشتكي بعد كده من فتره مراهقة صعبه وتمرد شديد وانحرافات سلوكيه او مراهق سلبي مش فارق معاه حاجة ..
لما تشتكي من شاب أو شابه عنيف وغير بار بوالديه وتعامله بجفاء وعنف، اعرف انك زرعت ده فيه في اول سنين عمره ازاي ممكن تطلب من طفل انه يتصرف صح ويتحكم في سلوكياته ويعرف الغلط والصح بس لانك قولته قبل كده مع انه هو طفل وغير مكتمل النمو في حين انت الكبير مش بتعمل كده وبتدي لنفسك الاعذار انك تكرر الغلط مره ومرات رغم معرفتك ووعيك بتباعاته… عايزين نكسر دايرة التربية المشوهه.
