كتبت / شهد مصطفي نورالدين.
“A Spark isn’t a Soul’s Purpose.
“أكبر خدعة طلعت جيل مشوه نفسياً، فكرة “الشغف” و إنك لازم يكون عندك شغف ولازم تتبع شغفك وإلا هتكون إنسان فاشل وبائس أو مجرد إنسان عادي (وإن الشخص العادي دا إنسان منبوذ)!الخدعة اللي خلت ناس كتير حوالينا تموت قبل مماتها، علشان شايف نفسه إنسان عادي، مش إنسان بيتبع شغفه أو حتي عارف هو شغوف بإيه أصلاً! فيلم SOUL من Pixar، بيأكد علي فكرة إنك مهما جريت ورا شغفك وكنت من “المحظوظين” اللي بيلاقوا الحاجة اللي هما شغوفين بيها، وكنت من الأكثر حظاً كمان إنك تشتغل الحاجة اللي إنت شغوف بيها، ربط سعادتك بالوصول للنقطة دي بينتهي بمجرد وصولك ليها، لإنك هتلاقي نفسك بتعمل نفس الحاجة كل يوم وبالتالي ماهية الحياة هي الإستمتاع بتفاصيل الحياة الصغيرة، مش الجري ورا حاجة ممكن توصلها وممكن لأ ولو حتي وصلتلها فالسعادة المرتبطة بيها لحظية.الحياة كمعني، في إحساسك بالتفاصيل الصغيرة اللي بتحصلك يومياً، ويمكن #كورونا أكدت المعني دا؛ إن اليوم العادي اللي كنت بصحي إستمتع فيه بمذاق القهوة، دي لحظة سعيدة! لما أصحي وأفطر وسط أهلي و أصحابي بدون خوف من بعض علي بعض دي لحظة سعيدة! لما أحط بيرفيوم بحبه و أشم ريحته دي لحظة سعيدة! لما أحضن إبني أو بنتي بدون خوف دي لحظة سعيدة!الحياة مليانة لحظات وأوقات سعيدة، إستمتع بكل لحظة فيها، بدل ما تركز في الجري وراء السعادة المؤقتة، ركز في تفاصيل يومك هتلاقي نفسك غرقان في بحر من النعم اللي تخليك أسعد إنسان في الدنيا.الفيلم موجود في السينمات دلوقتي، أنصح بمشاهدته ..
1
